Este primeiro proxecto piloto fue financiado polo Ministerio para a Transición Ecolóxica e o Reto Demográfico (MITECO) dentro do programa CE IMPLEMENTA, xestionado polo Instituto para a diversificación e Aforro da Enerxía (IDAE) e consta de dúas actuacións diferenciadas:

1. INSTALACIÓN FOTOVOLTAICA EN RÉXIME DE AUTOCONSUMO COMPARTIDO

Para a instalación dos paneis solares, utilizouse a cuberta dunha nave propiedade do Concello da Illa de Arousa, que forma parte desta iniciativa xunto coa sociedade OPP20 (Organización de Produtores de Moluscos) e doce familias socias de Arousa en Transición. Este proxecto actúa como eixo dinamizador ó converterse nun modelo de replicabilidade en todo o territorio insular.

Adicionalmente, esta forma de produción en réxime de consumo compartido permite ás familias simplificar os trámites administrativos asociados á legalización da planta, así como reducir os custos de inversión e mantemento da mesma.

2. CARGADOR DE VEHÍCULOS ELÉCTRICOS DE USO PÚBLICO

O primeiro en todo o municipio, polo que supón un paso importante para mudar os modos actuais de mobilidade na illa, facilitar a introdución do vehículo eléctrico e crear unha rede de puntos de recarga para satisfacer a demanda futura.